No public Twitter messages.

Home About Kalinga Sinhala Unicode Help Post List English Blog Techකතා සිංහල බ්ලොග් කියවනය (Syndi)

සිංහල Firefox මතවාද හා ඒහි තව පැත්තක්.

මේ දිනවල මහා කාතාබහට ලක්වන සිංහල Firefox ගැන, ඔය ගැන මම හා වසන්ත දේශප්‍රිය මහතා (අධ්‍යක්‍ෂ, රාජ්‍ය ප්‍රතිනිර්මාණ වැඩ සටහන, ශ්‍රී ලංකා තොරතුරු හා සන්නිවේදන නියෝජිතායතනය – ICTA) අතර ඊමේල් කීපයක් හුවමාරු උනා. ඒවා සියල්ලන්ගේම දැනගැනීමා හා සමහර වැරදි මත නිවරදි කිරීම්ට මේවා සියල්ලන්ගේ කියවීමට බ්ලොග් එකේ දාන්න හිතුනා.

මෙය පල කරන්නේ වසන්ත දේශප්‍රිය හා ඩනිෂ්ක නවීන් මහතුන්ගේ අවසරය ඇතුව වන බව සලකන්න.

============

From: සුපුන් සුදාරක – www.sudaraka.com <[email protected]>
To: සිංහල බ්ලොග්කරුවන්ගේ සංසදය <[email protected]>
Subject: [Sinhala-Bloggers] ICTA ආයතනයෙන් Firefox 3 සිංහල ගැටළුව පිළීබඳ මාධ්‍ය නිවේදනයක්!

ICTA ආයතනයේ වසන්ත දේශප්‍රිය මහත්මාගෙන් ලද ලිපියකි මේ…
——————————————————————————
හිතවත් සුදාරක,
ෆයර්ෆොක්ස් 3 මාධ්‍ය හමුවෙන් පැන නැගුණු ගැටළුව ගැන දැන්වූවා ට තුති!
මේ ගැන වෙන වෙනම බ්ලොග් සටහන්වලට පිඵිතුරු නොදීමට ඉක්ටා ආයතනය තීරණය කළා.
මේ ගැන වෙනම ම ම‎ාධ්‍ය නිවේදනයක් නිකුත් කළා.
එය මෙතැන තිබේ.
http://icta.lk/Insidepages/downloadDocs/Press_release_on_FF_3_2008-07-18.pdf
මේ ගැන අනෙකුත් බ්ලොග් සටහන් තබන ම්තුරනුටත් දැන්වුවොත් වඩාත් කෘතඥ වෙමි.
මේ ගැන ඔබ සංසදයේ අනුරාධ මධ්‍යස්ථ ප්‍රතිචාරයක් දන්ව‎ා තිබූ නිසා ඔහුගේ
ලිපියත් කියවනු ඇතැයි බලාපොරොත්තු වෙමි.

තුති!

වසන්ත දේශප්‍රිය


සුපුන් සුදාරක
http://blog.sudaraka.com

===============================

======== My Reply ============
From: “Kalinga Athulathmudali (කාලිංග ඇතුලත්මුදලි)” <[email protected]>
To: [email protected]
Subject: Re: [Sinhala-Bloggers] Re: ICTA ආයතනයෙන් Firefox 3 සිංහල ගැටළුව පිළීබඳ මාධ්‍ය නිවේදනයක්!
Date: Mon, 21 Jul 2008 22:26:34 +0530

ප්‍රිය වසන්ත මහතාණෙනි,

ඔබ විසින් නිකුත් කළ බවට ආරංචි මාත්‍රයෙන් සැළ වූ ද සුපුන් සුදාරක හරහා
අප අතට පත් වූ ද pdf
(http://icta.lk/Insidepages/downloadDocs/Press_release_on_FF_3_2008-07-18.pdf)
ගොනුව ICTA ආයතනයේ මාධ්‍ය නිවේදනයක් සේ අප විසින් නොසලකන බව පෙන්වා දෙනු
කැමැත්තෙමු. ඊට හේතුව වන්නේ ඔබ ආයතනය විසින් සිංහල ෆයර්ෆොක්ස් මාධ්‍ය
හමුවේදී නිකුත් කළ මාධ්‍ය නිවේදනය හා සංසන්දනයේදී මෙම නව මාධ්‍ය නිවේදනය
ලිපි ශීර්ෂයක එය ලියන ලද ආයතනයක්, හෝ ලියන ලද්දෙකු පිළිබඳ පිළිගත හැකි
සඳහනක් සහිත ව නිකුත් කරන ලද්දක් නො වන බැවිනි.

කෙසේ වුව ද සිංහල බ්ලොග් අවකාශය තුළ පළ වූ කරුණු සම්බන්ධයෙන් කිසිදු
පිළිගත හැකි ප්‍රතිචාරයක් ලබා දීමට ඔබ අපොහොසත් ව ඇති බව පෙනී යයි. එසේ ම
එම ගොනුවේ සිංහල හා ඉංග්‍රීසි පිටපත් දෙකෙහි එකිනෙකට වෙනස් වැකි ඇති බැව්
ද අපි නිරීක්ෂණය කළෙමු. මාධ්‍ය හමුව පිළිබඳ සිංහල බ්ලොග්කරුවන්ගේ ප්‍රජාව
තුළ වැරදි සංජානනයක් හට ගෙන ඇති බව ඉංගිරිසි ලිපියෙහි කියන ඔබ සිංහල
ලිපියෙහි එවැනි වැරදි සංජානනයක් හටගෙන ඇත්තේ කොහි දැයි නිශ්චිත ව
නොකියයි. තව ද එම වැරදි හැඟීම කුමක් ද යන්න පෙන්වා නොදෙන pdf ගොනුව කියා
සිටිනුයේ මාධ්‍ය හමුව පැවැත්වීම කිසියම් පිරිසකගේ එකඟත්වයෙන් සිදු වූවක්
බවයි. එහෙත් ශ්‍රී ලංකාවේ තොරතුරු තාක්ෂණය සම්බන්ධයෙන් එදින පළ වූ අදහස්
පි‍ළිබඳව ‍සිංහල බ්ලොග්කරුවන් පසුගිය සතිය පුරා පෙන්වන ලද දොස් සහිත තැන්
කිසිවක් මෙයින් පැහැදිළි කොට නැත.

අද තවත් බ්ලොග්කරුවකු ප්‍රතිචාර දැක්වූ පරිදි

“(ඉංග්‍රීසි පිටපතින් සාවද්‍ය මතයක් නිර්මාණය කර ඇති බවට සිංහල බ්ලොග්
ප්‍රජාවට චෝදනා කර ඇති අතර සිංහල පිටපතේ එවන් දෙයක් නැත.)

එම පුකාශයේ කියල තියෙන විදියට දැන් සිංහල බ්ලොග් ප්‍රජාවේ තමයි වැරැද්ද!
එතකොට අර ස්වර්ණවාහිණියේ සහ colombopage වේබ අඩවියේ වගේ මාධ්‍ය වල ගිය
ප්‍රකාශ සාවද්‍ය නෑ! ඒ මාධ්‍ය සාකච්ඡාවේදී මොරටුව විශ්ව විද්‍යාලයේ
ආචාර්යවරයෙක් “හොට් හොට් බඩු”, “අපේ මැජික්” යැයි කියමින් සීඩී තැටියක්
පෙන්වමින් කළ ප්‍රකාශය ඇත්ත! සිංහල බ්ලොග් 300ක් පමණ තියන බවට වූ
ප්‍රකාශය ඇත්ත! ඇපල් පරිගණකවල සිංහල සහය ඇති බව කීම ඇත්ත! ඒ කියන්නේ ඒ
ප්‍රකාශ වල කිසිම වැරැද්දක් නැහැ. එහෙම බලපුවාම සිංහල ෆයර්ෆොක්ස් කියන්නේ
ICTA නිෂ්පාදනයක්! හරි දැන් මින් ඉදිරියට අපි Mozilla Firefox කියන්නේ
නැතුව ICTA Firefox කියලා කියමු! (අඩුමගානේ ICTA ආයතනය Firefox යනු
Mozilla ව්‍යාපෘතියේ ප්‍රතිඵලයක් කියලවත් කියන්න තරම් නිහතමානී වෙලා නෑ)”

වැඩිදුර කියවන්න –
http://asipatha.blogspot.com/2008/07/icta.html


කාලිංග ඇතුලත්මුදලි.
http://www.kalingasblog.com http://www.කාලිංග.com
Follow me on Twitter http://twitter.com/kalinga

======== END Of My Reply ======

===================

From: “Wasantha  Deshapriya” <[email protected]>
To: <[email protected]>
Cc: <[email protected]>
Subject: Press Release In relation to FF 3
Date: Fri, 25 Jul 2008 08:12:30 +0530

ප්‍රිය කාලිංග මහතාණෙනි,

ඔබ සිංහල බ්ලොග්කරුවන්ගේ සංසදය හරහා මා වෙත ලියන ලද ලිපියට පිළිතුරක් (ප්‍රමාද වී හෝ) අමුණා එවමි. එය ද ඔබ සංසද යේ ම පළ කරන්නේ නම් තුති පුදමි!

ස්තුතියි!

වසන්ත දේශප්‍රිය

අධ්‍යක්‍ෂ

රාජ්‍ය ප්‍රතිනිර්මාණ වැඩ සටහන

ශ්‍රී ලංකා තොරතුරු හා සන්නිවේදන නියෝජිතායතනය

* : 160/24, කිරිමණ්ඩළ මාවත, කොළඹ 05,

(: +94-112369100, දිගුව 82.

:: http://www.icta.lk

ඔබ මෙහි අදහස් කරන ලද ලබන්නා නොවේ නම්, හෝ මෙහි අදහස් කරන ලද ලබන්නා වෙත භාර දීමට බැඳුනු පුද්ගලයා ද නොවේ නම් මෙය හෝ මෙහි කිනම් කොටසක් හෝ හෙළිදරව් කිරීම, පිටපත් කිරීම, බෙදා හැරීම හෝ රඳවා තබා ගැනීම නොකළ යුතු අතර ඔබට එසේ කිරීමට බලයක් ද නැත.

====================

PDF – http://kalingasblog.com/firefox/Reply%20to%20Kalinga%20wrt%20Firefox%20Press%20Conference.pdf

==================

========== My Reply ============

ප්‍රිය වසන්ත මහතාණෙනි,

ඔබේ ප්‍රතිචාරයට ස්තුති කළ හැකි වුව ද ඔබ ඉදිරිපත් කරන කරුණු බහුතරයක් සමග නම් එකඟ වීමට අපහසු ය.

රාජ්‍ය ආයතනයක් විසින් නිපදවූ දෙයක් ගැන ඔබ කතා කරන්නෙහි ය. එයින් ඇඟවුම් කෙරෙනුයේ මේ සිංහල ෆයර්ෆොක්ස් නිපදවීම (නො එසේ නම් ස්වර්ණවාහිනිය වාර්තා කළ අන්තමට “සංවර්ධනය කිරීම”) පිළිබඳ මිථ්‍යාව නැවතත් පුනරුච්චාරණය කිරීමකි.

මෙය කිසිකෙනකුට මඩගැසීමට ලියන පිලිතුරක් හෝ ICTA හෝ ඔබගැන මට පෞද්ගලික තරහක් නැත, නමුන් ඇත්ත කතාකල යුතුනිසා ලියමි.

එහෙත් සත්‍ය තත්වය කුමක්ද? මොසිලා ෆයර්ෆොක්ස් සිංහලට පරිවර්තනය වඩාත් නිශ්චිත ව කියතොත් ෆයර්ෆොක්ස් 3 යටතේ වෙන ම සිංහල භාෂා නිකුතවක් ලෙස සිංහලකරණය ආරම්භ කරන ලද්දේ ඩනිෂ්ක නවීන් විසින් ඔහු රෙඩ් හැට් ආයතනයට සම්බන්ධ ව සිටිය දී යි. ඉන් පසු ඔහු ස්වාධීන ව ද පසු ව අවසන් මාස තුන තුළ ICTA ආයතනයට සම්බන්ධිත ව ද මේ කටයුත්තේ නිරත වූ බව සිහිපත් කරනු කැමැතුතෙමු. මේවා සිංහල බ්ලොග්කරුවන් අතර මෙන් ම සිංහල දේශීයකරණය කටයුතු සම්බන්ධයෙන් උරෙනුර ගැටී වැඩ කළ ප්‍රජාව අතර ද හොඳින් දන්නා කරුණු යි. එසේ ම මෙය ඔහු පමණක් නිරත වූ කටයුත්තක් ද නො වේ. ඒ වඩා සිටි සිංහල යුනිකේත භාවිත කරන ප්‍රජාව ද මෙහි ලා සක්‍රිය දායකත්වයක් දැක්වූ බව අවධාරණය කළ යුතු ය. මෙවැනි ප්‍රජා කටයුත්තක් රාජ්‍ය ආයතනයක “නිපදවීමක්” ලෙසින් හඳුන්වා දීමේ සදාචාරය අපි ප්‍රශ්න කර සිටිමු. තව ද මෙහි අයිතිකාරකම ගැන කතා කිරීමට යොමු වන්නේ නම් අපි නිවැරදි පද භාවිත කළ යුතු වෙමු. එනම් මෙය මොසිලා පදනමේ නිෂ්පාදිතයක් ලෙස නිවැරදි ව හැඳින්විය යුතු වෙයි. එහි ලා දායක වන ප්‍රජාව ලොව වටා විසිර පැතිර සිටිති. මීට ප්‍රතිපක්ෂ ව අප රටේ ආයතන මෙතෙක් කරමින් සිටියේ ඉංගිරිසි ෆයර්ෆොක්ස් නිකුතුව සඳහා එක් කරගත හැකි සිංහල පැකේජයක් නිපදවීම පමණකි.

සිංහල බ්ලොග් අඩෙවි පිළිබඳ ප්‍රකාශය ප්‍රසිද්ධියේ නිවැරදි කිරීමෙහිලා ඔබ පළ කරන උද්යෝගය අප අගය කරන අතර ම ඊට වඩා උද්‍යොගයකින් නිවැරදි කළ යුතු කරුණු කීපයක් ද පෙන්වා දෙනු කැමැත්තෙමු :

1) සිංහල ෆයර්ෆොක්ස් බ්‍රවුසරය ICTA හා මොරටුව විශ්ව විද්‍යාලවලින් ශ්‍රී ලංකාව තුළ නිකුත් කළහයි කියැවන ප්‍රකාශය  ( මෙය Colombo Page හි පළ විය)
2) ICTA ආයතනය ෆයර්ෆොක්ස් සිංහල වෙබ් බ්‍රවුසරය සංවර්ධනය කළ බව (මෙය ස්වර්ණවාහිනිය වාර්තා කළ අන්දමයි)

අවසාන වශයෙන් සිංහල ෆයර්ෆොක්ස් සම්බන්ධ ව නිකුත් ව තිබෙන නිල credits ලේඛනය කියවන මෙන් ඔබෙන් ඉල්ලා සිටිමු.  ඊට අනුව මේ කටයුත්තට සැබැවින් ම දායක වූ පාර්ශ්ව හදුනාගැනීම අපහසු නොවනු ඇති. (එහි පිටපත් මෙහි අමුනා ඇත.)

ICTA ආයතනය මෙයට දායක බව පැවසීම වරදක් නොව්වද, මොරටුව විශ්ව විද්‍යාලය සම්බන්දය ගැන කීම කිසිසේත් පිලිගත නොහැක. මේය පුවත්පත් හා රූපවාහිනී වගේම වෙබ අඩවි වල ගිය පුවත් නිවරදි කිරීමක් නොකරනවානම්, එය ICTA විසින් ජනතාව මුලා කිරීමක් ලෙසයි අපට පිල ගැනීමට සිදුවන්නේ.

MAC මත සිංහල Firefox 3 ගැන ඇසු පැනයට, හරි පිලිතුරක් දුනනාද කියා නැවත එම හඩ පට අසා ඔබටම තීරනක් ගන්න පුලුවන්.

MAC සදහා දැනට නොමිලේ සිංහල ගතහැකි විදියක්ද ඇත, මෙය ඔබගේ දැන ගැනීම පිනිසයි, Firefox 3 සිංහල අනුවාදන ය මෙය බාවිතයෙන් තමයි අපි පරීක්ෂණ කෙලේ. (http://web.nickshanks.com/typography/)

මහාචර්ය ගහාන ඩයස් හා LakApps ගැන කතා නොකර සිටීමට මම තීරනය කරා, මොකද මෙය තවත් වාදයකට මුල පිරීමක් වෙන නිසා, දන්නෝ දනිතී කීයා තමයි මට කියන්න ඇත්තේ.

කිසිවෙකුත් ඉක්ටා ආයතනය “දඬුකඳේ ගසා” නැත. මේ ගැන ලියූ බ්ලොග්කරුවන් සියලු දෙනා ම පාහේ මාධ්‍ය විසින් මෙය වාර්තා කර ඇති අන්දම ඍජු ව ප්‍රශ්න කර තිබේ. එසේ ම මෙහි දී ඔබ ආයතනය පැත්තෙන් කිසිදු පැහැදිලි කිරීමක් ඉදිරිපත් නො වීමෙන් පෙන්නුම් කෙරෙන්නේ මාධ්‍ය විසින් වාර්තා කර ඇති අන්දම නිහඬ ව අනුමත කිරීමක් ද? (ඔබේ පසුගිය “නිවේදනයෙහි” වුව ද සිංහල බ්ලොග්කරුවන් අතර වූ “වැරදි වැටහීම්” ගැන කතා කළද මාධ්‍ය විසින් සිදු කෙරුණු වැරදි වාර්තා කිරීම් නිවැරදි කිරීමට ඉදිරිපත් නොවීමෙන් අපට මීට වඩා වෙනස් නිගමනයක් ගත හැකි ද?

දැන් ඔබ තවත් අලුත් කරුණත් මතු කර සිටී, ඩනිෂ්ක නමැති තරුණ තාක්ෂණවේදියා කරලියට ගෙන ඒමේ ගෞරවය ද ඉක්ටා ආයතනය වෙන නොදුන්නේ මන්දැයි ඔබ ප්‍රශ්න කරන්නෙහි ය! නමුත්, නැවතත්, සත්‍ය තත්වය කුමක්ද? අප නම් ඩනිෂ්ක නවීන් මහතා අඳුනන්නේ පසුගිය වසර කිහිපය තිස්සේ ම රෙඩ්හැට් ආයතනයට සම්බන්ධිත වත් ස්වාධීන වත් විවිධ මෘදුකාංග දේශීයකරණයෙහි ලා පුරෝගාමී කාර්යභාරයක් ඉටු කරමින් ද මාධ්‍ය හා අන්තර්ජාල සමූහ ඔස්සේ ඒ පිළිබඳ බහුජන විඥාපනයේ යෙදෙමින් ද “කරලියේ සිටි” පුද්ගලයකු හැටියට යි!

අවසාන වශයෙන් තවත් කරුණක් පිළිබඳ අපේ අදහස පළ කිරීමට කැමැත්තෙමු. මුලින් පුද්ගලික සංවාදයක් සේ ආරම්භ වූ ඔබේ ප්‍රතිචාර දැන් දැන් සිංහල බ්ලොග්කරුවන්ගේ සංසදය එල්ල කරගනිමින් ද සිදු වන බව පෙනේ. එසේ වුව ද ඔබ තව මත් “පිළිතුරු” එවමින් සිටින්නේ “අරයා හෝ මෙයා” හරහා මිස සංසදයට නො වේ. ඒ ඒ බ්ලොග්කරුවන් පළ කළ ලිපි ඒ ඒ බ්ලොග්කරුවන්ගේ පුද්ගලික ලේඛන බව ද මෙහි දී සැලකිල්ලට ගත මනා ය. මෙය සිංහල බ්ලොග්කරුවන්ගේ සංසදය ගත් ක්‍රියාමාර්ගයක් නො වේ. සංසදයේ ගූගල් සමූහය තුළ අන් බොහෝ තැන්වල සේ ම මේ ගැන සාකච්ඡාවක් ඇති විය. එසේ ම බ්ලොග්කරුවන් කිහිප දෙනෙක් ම මේ පිළිබඳ විවේචනාත්මක ලිපි ද පළ කර ඇත. ඔබට ද මේ සංසදයේ කෙලින් ම අදහස් පළ කිරීමේ කිසිදු බාධාවක් නොපවතිද්දීත් මෙසේ වටින් ගොඩින් ලිපි එවීමේ ක්‍රමයට වඩා ඍජු ව සාකච්ඡාවට පිවිසීම ඔබ වැනි වගකිව යුතු නිලධාරියකුටය වඩාත් හොබින බව ද අපි කල්පනා කරමු.

ස්තුතියි.
කාලිංග ඇතුලත්මුදලි.

============= END Of My Reply ============

=================

From: “Wasantha  Deshapriya” <[email protected]>
To: “Kalinga Athulathmudali” <[email protected]>
Subject: RE: Press Release In relation to FF 3
Date: Tue, 29 Jul 2008 11:41:11 +0530

ප්‍රිය කාලිංග මහතාණෙනි,
ඔබේ ලිපිය ට තුති!
මගේ අදහස් දැක්වෙන ඇමිණුම බලන ලෙස කාරුණික ව ඉල්ලමි.

ස්තුතියි!

වසන්ත දේශප්‍රිය
අධ්‍යක්‍ෂ
රාජ්‍ය ප්‍රතිනිර්මාණ වැඩ සටහන
ශ්‍රී ලංකා තොරතුරු හා සන්නිවේදන නියෝජිතායතනය
ෝ : 160/24, කිරිමණ්ඩළ මාවත, කොළඹ 05,
: +94-112369100, දිගුව 82.
.: http://www.icta.lk
ඔබ මෙහි අදහස් කරන ලද ලබන්නා නොවේ නම්, හෝ මෙහි අදහස් කරන ලද ලබන්නා වෙත භාර දීමට බැඳුනු පුද්ගලයා ද නොවේ නම් මෙය හෝ මෙහි කිනම් කොටසක් හෝ හෙළිදරව් කිරීම, පිටපත් කිරීම, බෙදා හැරීම හෝ රඳවා තබා ගැනීම නොකළ යුතු අතර ඔබට එසේ කිරීමට බලයක් ද නැත.

================

Attachment

Open Office – http://kalingasblog.com/firefox/Reply%20to%20Kalinga%202008-07-29.odt

PDF – http://kalingasblog.com/firefox/Reply%20to%20Kalinga%202008-07-29.pdf

================

Share

3 Responses to “සිංහල Firefox මතවාද හා ඒහි තව පැත්තක්.”

  1. Kulendra Says:

    OK machan, Im going to ask a bit of a controversial question; So was Danishka working for ICTA and was localization of Firefox 3 one of his contractual deliverables?

  2. කාලිංග Says:

    Kulendra, as far as i know, its a yes, since i have not see the contract document of Danishka & ICTA i can’t give you an exact answer.

  3. Kulendra Says:

    Thats ok. Thanks for shedding some sort of light on this matter 🙂

Leave a Reply

XHTML: You can use these tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Web Hosting

සිංහල බ්ලොග්කරුවන්ගේ සංසදය

Bloggers’ Rights at EFF

Bloggers' Rights at EFF

Creative Commons License

Creative Commons License
This work is licensed